مرکزی وزیر کرن رجیجو نے تازہ ٹویٹ میں کہا کہ چینی پی ایل اے نے آج اروناچل پردیش سے تعلق رکھنے والے نوجوان لڑکے میرام تارون کو اروناچل پردیش میں WACHA-DAMAI بات چیت کے مقام پر بھارتی فوج کے حوالے کر دیا۔
انھوں نے مزید لکھا کہ میں اپنی قابل فخر ہندوستانی فوج کا شکریہ ادا کرتا ہوں کہ انہوں نے PLA کے ساتھ کیس کی احتیاط سے پیروی کی اور ہمارے نوجوان لڑکے کو بحفاظت گھر واپس پہنچایا
واضح رہے کہ وزیر قانون کرن رجیجو نے بدھ کو کہا تھا کہ بھارت نے اروناچل پردیش سے لاپتہ ہونے والے نوجوان کی تفصیلات چینی پیپلز لبریشن آرمی (PLA) کے ساتھ شیئر کی ہیں تاکہ ان کی تحویل میں موجود نوجوانوں کی شناخت کی تصدیق کی جاسکے۔
رجیجو نے کل ایک ٹویٹ میں کہا کہ "PLA نے مثبت جواب دیا کہ ہمارے شہری کو حوالے کرنے کا اشارہ دیا اور رہائی کی جگہ تجویز کی۔"
بیان کے مطابق 19 سالہ میرام تارون 18 جنوری کو اروناچل پردیش کے ضلع سیانگ سے لاپتہ ہوگیا تھا۔ بیان کے مطابق کچھ لوگوں نے بتایا کہ چینی PLA نے انہیں اپنی تحویل میں لے لیا ہے۔
