نریندر مودی کی صدارت میں بدھ کو ہوئی کمیٹی کی میٹنگ میں صنعت اور داخلی تجارت کے فروغ کے شعبہ (ڈی پی آئی آئی ٹی) کی تجاویز کو منظوری دے دی گئی۔ وزیر اطلاعات و نشریات پرکاش جاوڈیکر نے صحافیوں کو بتایا کہ ان منصوبوں کی تعمیر پر 7 ہزار725 کروڑ روپے کا خرچ آئے گا۔
توقع ہے کہ ان صنعتی علاقوں کی ترقی سے تقریباً تین لاکھ ملازمتیں پیدا ہوں گی۔انہوں نے کہا کہ'یہ صنعتی راہداری آندھرا پردیش کے کرشناپٹم میں 2 ہزار 139 کروڑ روپے اور کرناٹک کے تمکور میں 1 ہزار 701 کروڑ روپے کے خرچ سے تعمیر کیا جائے گا۔
اس کے علاوہ، اتر پردیش کے گریٹر نوئیڈا میں ملٹی موڈل لاجسٹک حب (ایم ایم ایل ایچ) اور ملٹی ٹرانسپورٹ حب (ایم ایم ٹی ایچ) کی تعمیر کا تخمینہ 3 لاکھ 88 ہزار 380 کروڑ روپے ہے۔
پرکاش جاوڈیکر نے کہا کہ 'صنعتی راہداری پروگرام، جو مشرقی اور مغربی ڈیڈیکیٹیڈ فریٹ کوریڈورز ایکسپریس ویز اور قومی شاہراہوں پر واقع بندرگاہوں، ہوائی اڈوں جیسے بڑے ٹرانسپورٹ کوریڈورز کی بنیاد کے طور پر تعمیر کیا جارہا ہے۔
مزید پڑھیں: مدارس کو ختم کرنے کا بل آسام اسمبلی میں منظور
اس کا مقصد صنعتوں کو معیاری، قابل اعتماد، پائیدار اور عمدہ فراہمی ہے۔بنیادی ڈھانچے کی فراہمی کے ذریعہ ملک میں مینوفیکچرنگ سرمایہ کاری کی سہولت فراہم کرانا ہے'۔
یو این آئی
