ذرائع کے مطابق سی بی آئی کی جانب سے تشکیل شدہ ٹیم کے ایک رکن کا کہنا ہے کہ مغربی بنگال اسمبلی انتخابات کے بعد ریاست کے مختلف علاقوں میں پیش آئے پر تشدد واقعات، جسنی زیادتی اور قتل جیسے سنگین معاملات کی جانچ کے لئے چار خصوصی ٹیمیں تشکیل دی گئی ہیں۔
ذرائع کے مطابق ہر ٹیم میں چھ ارکان ہوں گے اور ہر یونٹ کی سربراہی جوائنٹ ڈائریکٹر لیول آفیسر کریں گے۔ ذرائع نے یہ بھی بتایا کہ تفتیشی ٹیمیں جلد ہی ریاست کا دورہ کرکے تحقیقات کا آغاز کرے گی۔
مغربی بنگال کی وزیر اعلی ممتا بنرجی کو کولکاتہ ہائی کورٹ کی جانب سے ایک دھکہ لگا ہے۔ کولکاتہ ہائی کورٹ نے مغربی بنگال میں اسمبلی انتخابات کے بعد پیش آئے پرتشدد معاملات کی جانچ قومی تفتیشی ایجنسی کو سوپنا ہے۔
عدالت نے ریاستی حکومت کو یہ بھی ہدایت دی کہ وہ انتخابات کے بعد پیش آئے پر تشدد معاملات کے متاثرین کے معاوضے پر فوری عملدرآمد کرے۔
دراصل قومی حقوق انسانی کمیشن (نیشنل ہیومن رائٹس کمیشن) کی سفارش کو قبول کرتے ہوئے ہائی کورٹ نے ہدایت دی کہ بنگال میں اپریل مئی میں ہوے اسمبلی انتخابات کے بعد پیش آئے پرتشدد واقعات کی تحقیقات سی بی آئی کی طرف سے قائم کی جانے والی ایک خصوصی ٹیم کرے گی۔
مزید پڑھیں:
مغربی بنگال: سول سوسائٹی کے ایک گروپ نے تشدد کے واقعات پر صدر جمہوریہ کو خط لکھا
سی بی آئی کی ٹیم کے عہدیدار جنسی زیادتی اور قتل جیسے سنگین جرائم کی تحقیقات کریں گے
سی بی آئی کی جانب سے تحقیقات کی نگرانی کے لیے ایک علیحدہ ڈویژن بنچ تشکیل دیا گیا ہے۔
اسی طرح ڈویژن بنچ نے انتخابات کے بعد پیش آئے جرائم کی تحقیقات کے لیے ایک خصوصی تحقیقاتی ٹیم (ایس آئی ٹی) بھی تشکیل دی
