کینیڈا کے وزیر اعظم جسٹن ٹروڈو نے کہا ہے کہ وہ یوکرین میں جاری روسی فوجی کارروائی کے درمیان وہاں اپنی فوج نہیں بھیجیں گے۔
وزیراعظم ٹروڈو نے کہا کہ یہ واضح ہے کہ ہم اپنی فوج یوکرین نہیں بھیج رہے ہیں۔
جسٹن ٹروڈو نے ایک پریس کانفرنس میں کہا کہ حکومت روسی صدر ولادیمیر پوتن پر دباؤ بڑھانے کی کوششوں کے طور پر ملک میں روسی خام تیل کی درآمد پر پابندی لگانے کا ارادہ رکھتی ہے۔
انہوں نے کہا کہ آج ہم روس سے خام تیل کی تمام درآمدات پر پابندی لگانے کے اپنے ارادے کا اعلان کر رہے ہیں، یہ ایک ایسی صنعت ہے جس نے صدر پوتن اور ان کے امیروں کو بہت فائدہ پہنچایا ہے،" ٹروڈو نے فرانسیسی زبان میں کہاکہ " حالیہ برسوں میں کینیڈا نے بہت کم مقدار میں درآمد کی ہے، یہ اقدام ایک طاقتور پیغام بھیجتا ہے۔"
مزید پڑھیں:۔ EU on Russia: یوروپی یونین کا روس پر نئی شدید پابندیوں کا اعلان
واضح رہے کہ روس نے 24 فروری کو یوکرین میں فوجی کارروائی کا اعلان کیا تھا۔ حالانکہ روسی وزارت دفاع نے کہا کہ یہ کارروائی یوکرین کے فوجی ڈھانچے کو مکمل طور پر تباہ کرنے کے لیے ہے اس سے عام شہری متاثر نہیں ہوں گے۔
