نئی دہلی: کانگریس نے کابینہ کی توسیع کو اقتدار کی بھوک کی توسیع قرار دیتے ہوئے کہا کہ اگر یہ توسیع کام اور اچھے مظاہرے کی بنیاد پر ہوتی تو سب سے پہلے وزیر داخلہ امت شاہ، وزیر خزانہ نرملا سیتارمن، وزیر دفاع راج ناتھ سنگھ اور کچھ دیگر کو ہٹایا جاتا۔
کانگریس محکمہ مواصلات کے سربراہ رندیپ سنگھ سرجے والا نے بدھ کے روز صحافیوں سے کہا کہ اگر کام کی بنیاد پر وزرء کو ہٹایا جاتا تو امت شاہ کو سب سے پہلے ہٹایا جانا چاہیے، جن کی ناکامی کے سبب انتہا پسندی اور ماؤنوازی پھیل رہی ہے اور ملک کا سماجی تانا بانا ٹوٹ رہا ہے۔
انہوں نے کہا کہ' اسی طرح سے وزیر دفاع کو ہٹایا جانا چاہیے جن کی ناک کے نیچے چین نے بھارت کی سرزمین پر قبضہ کرنے کی جرأت کی ہے۔ اسی طرح وزیر خزانہ ہو کو ہٹایا جاتا جن کی وجہ سے ملک کی معیشت تحت الثریٰ میں چلی گئی ہے اور بے روزگاری نے بری طرح پیر پھیلا لیے ہیں۔'
ترجمان نے کہا کہ اس سلسلے میں پہلے وزیر صحت ہرش وردھن کو ہٹائیں جن کی ناکامی کی وجہ سے عوام ویکسین، دوا، آکسیجن کی کمی سے گھٹ گھٹ کر مرنے کو مجبور ہوئے۔
- مزید پڑھیں: مودی 2.0 کابینہ میں توسیع: 43 ارکین پارلیمنٹ نے لیا حلف
- مودی کابینہ میں توسیع: 12 وزراء نے دیا استعفی
انہوں نے کہا کہ اسی طرح سے اچھا مظاہرہ نہ کرنے کے سبب ہٹانا ہی ہے تو پٹرولیم کے وزیر دھرمیندر پردھان کو ہٹاؤ جن کے سبب پٹرول کو 100 روپیے، ڈیزل 90 روپیے اور رسوئی گیس کی قیمت 850 روپیے سے تجاوز ہو گئی۔
یو این آئی