برازیل کی کل آبادی تقریباً 21 کروڑ ہے اور یہاں اوسطًا روزانہ 2 ہزار اموات ہو رہی ہیں۔ برازیل کورونا سے اموات کے معاملہ میں دنیا کا دوسرا ملک ہے جبکہ پہلے نمبر پر امریکہ ہے جہاں 6 لاکھ سے زائد اموات ہوچکی ہیں۔
برازیل کے وزیر صحت نے کہا کہ ان کا محکمہ ملک بھر میں کورونا وائرس ٹیکہ کاری میں مسلسل مصروف ہے۔ یہاں روزانہ 70 ہزار نئے کیسس سامنے آرہے ہیں جبکہ ملک کی 11.4 فیصد آبادی کو ویکسین دی گئی ہے۔
واضح رہے کہ برازیل کے صدر جیر بولسنارو نے کورونا وائرس کو اہمیت نہ دیتے ہوئے اسے ایک معمولی وبا قرار دیا تھا لیکن برازیل دنیا کے ان ممالک میں شامل ہیں جو کورونا وائرس کی وبا سے بری طرح سے متاثر ہوا ہے۔
