Cantonment Play Ground Condition سری نگر کے بوٹہ چھاونی گراؤنڈ کی خستہ حالت سے کھلاڑی پریشان

چھاونی گراؤنڈ میں کھیلنے والے کھلاڑیوں نے کہا کہ معمولی بارش سے گراؤنڈ میں جگہ جگہ پانی جمع ہوجاتا ہے جس کی وجہ سے اس گراؤنڈ میں کھیلنا مشکل ہوجاتا ہے۔ Cantonment Play Ground Condition

سری نگر: جموں و کشمیر کے گرمائی دارالحکومت سری نگر کے نیو اگرو باغ حول کے باشندوں بالخصوص کھلاڑیوں کی شکایت ہے کہ ان کے علاقے میں بوٹہ چھاونی کے نام سے مشہور گراؤنڈ کی حالت انتہائی خستہ ہے۔ جس کی وجہ سے کھلاڑیوں کو اس میں کھیلنے میں گوناگوں مشکلات سے دوچار ہونا پڑتا ہے۔ ان کا کہنا ہے کہ معمولی بارش سے گراؤنڈ میں جگہ جگہ پانی جمع ہوجاتا ہے جس کی وجہ سے اس گراؤنڈ میں کھیلنا مشکل ہوجاتا ہے۔ Bota Cantonment ground in Srinagar is in bad condition

انہوں نے کہا کہ اس گراؤنڈ میں علاقے کے تمام بچے کھیلنے کے لئے آتے ہیں کیونکہ ان کے کے لئے کوئی دوسرا متبادل بندوبست نہیں ہے۔ ان کا کہنا ہے کہ خشک موسم میں بھی اس گراؤنڈ میں کھیلنا مشکل ہوجاتا ہے کیونکہ اس میں گھاس نکل آتی ہے جس کو کاٹنے کے لئے کوئی انتظام نہیں کیا جا رہا ہے۔ ایک کھلاڑی نے کہا کہ گراؤند میں دو بیت الخلا ہیں لیکن ان کی حالت بھی بہت خراب ہے۔ لوگوں نے متعلقہ حکام سے اپیل کی کہ وہ اس گراؤنڈ کی دیکھ ریکھ کے لئے ضروری اقدام کرے تاکہ بچوں کو کھیلنے میں دشواریوں کا سامنا نہ کرنا پڑے۔ (یو این آئی)