Body Recovered From Jhelum : سری نگر میں دریائے جہلم سے لاش برآمد

سری نگر کے دریائے جہلم سے ایک لاش برآمد کی گئی ہے، پولیس نے لاش کو اپنے قبضے میں لیکر تفتیش شروع کردی ہے تاہم لاش کی ابھی تک شناخت نہیں ہوسکی ہے۔ Body Recovered From Jhelum

سری نگر: جموں وکشمیر کی گرمائی راجدھانی سری نگر کے ملک صاحب صفا کدل علاقے میں دریائے جہلم سے 51 سالہ شہری کی لاش برآمد ہوئی ہے۔سرکاری ذرائع نے بتایا کہ اتوار کی صبح مقامی لوگوں نے ملک صاحب صفا کدل میں دریائے جہلم میں ایک لاش دیکھی اور اس بارے میں پولیس کو آگاہی فراہم کی۔ Body recovered from jhelum river in srinagar

پولیس ٹیم جائے موقع پر پہنچی اور لاش کو تحویل میں لے کر قانونی اور طبی لوازمات پورے کرنے کے لئے صدرہسپتال سری نگر منتقل کیا۔ بتادیں کہ 24 مئی 2022 کو سری نگر کے بڈشاہ پل سے ایک شخص نے دریا جہلم میں چھلانگ لگائی تھی اور تب سے اُس کی تلاش جاری تھی۔

یو این آئی