نئی دہلی: وزیر اعظم نریندر مودی کے یوم پیدائش پر ہفتہ کو ملک اور بیرون ملک خون کے عطیہ کیمپوں کا انعقاد کیا گیا۔ صحت اور خاندانی بہبود کی مرکزی وزارت کے مطابق، مودی کے یوم پیدائش پر ملک اور بیرون ملک خون کے عطیہ کا انعقاد کیا گیا ہے، جس کے لیے کل 5859 خون عطیہ کیمپوں کو منظوری دی گئی ہے۔ ان کیمپوں میں خون کا عطیہ دینے کے لیے 50,059 افراد نے رجسٹریشن کرایا ہے۔ صبح 11 بجے تک 5000 سے زائد افراد ان پر خون کا عطیہ دے چکے ہیں۔Modi Modi's Birthday
مرکزی صحت اور خاندانی بہبود کے وزیر منسکھ منڈاویہ نے دہلی کے صفدر جنگ اسپتال میں خون کا عطیہ دیا۔ اس موقع پر انہوں نے عوام سے خون کے عطیات دینے کی اپیل کرتے ہوئے کہا کہ اس سے قیمتی جانیں بچائی جا سکتی ہیں۔
انہوں نے کہا، 'خون کا عطیہ - مہادان۔ وزیر اعظم نریندر مودی جی کے یوم پیدائش پر شروع ہونے والے بلڈ ڈونیشن امرت مہوتسو کے تحت خون کا عطیہ دیا۔ انسانیت کے اس مقصد میں شامل ہونا دل کو خوش کرنے والا ہے۔ آپ کو بھی اس عظیم کام کا حصہ بننا چاہیے۔"
مودی کے یوم پیدائش پر ملک بھر میں امرت مہوتسو کے تحت جگہ جگہ خون کے عطیہ کیمپوں کا انعقاد کیا گیا ہے۔ بیرون ممالک میں بھی خون کے عطیات کے کیمپ لگائے جا رہے ہیں۔
یو این آئی
