میرٹھ: ریاست اتر پردیش کے میرٹھ میں آج مومن انصار سبھا کے زیر اہتمام خون عطیہ کیمپ کا اہتمام کیا گیا۔ مختلف مقامات پر محکمہ صحت اور سماجی تنظیم کی مدد سے شہر کے اسلام آباد علاقے میں رمضان سے قبل خون عطیہ پروگرام کا انعقاد کیا گیا، اس کیمپ میں بڑی تعداد میں نوجوانوں نے انسانی زندگی کو بچانے کیلئے اپنے خون کا عطیہ کیا تاکہ ضرورت مند افراد کے لیے خون کی ضرورت کو پورا کیا کیا جا سکے۔
سماجی تنظیم مومن انصار سبھا کے زیر اہتمام بلڈ ڈونیشن کیمپ کا انعقاد کیا گیا، جس میں سبھی مذہب وملت کے نوجوانوں نے خون عطیہ کر ملک میں ہونے والی خون کی کمی کو پورا کرنے کی مہم میں اپنا تعاون پیش کیا۔ تنظیم کی جانب سے پانچویں مرتبہ لگائے گئے اس بلڈ ڈونیشن کیمپ میں خون عطیہ کر رہے تنظیم کے ذمہ داران کا کہنا ہے کہ عطیہ کیے گئے خون سے کسی بھی ضرورت مند افراد کی جان بچائی جا سکتی ہے۔
اس لیے سبھی نوجوانوں کو اس مہم میں حصہ لینے کی ضرورت ہے، جس سے انسانی زندگی کو بچایا جا سکے۔ تنظیم کے اراکین نے بلڈ ڈونیشن کیمپ کو رمضان المبارک سے قبل لگانے کی بات پر کہا کہ رمضان میں خون عطیہ کیمپ نہیں لگایا جا سکتا۔ اس وجہ سے رمضان سے قبل کیمپ کا انعقاد کیا گیا تاکہ رمضان المبارک میں بھی ضرورت مند افراد کی مدد کی جا سکے۔
یہ بھی پڑھیں: Blood Donation Camp in Bidar این سی سی کی جانب سے خون عطیہ کیمپ
خون کے عطیات کا عالمی دن ہر سال 14 جون کو منایا جاتا ہے۔ اس کے علاوہ بھی سماجی تنظیموں کے ذریعے خون کی کمی کو دیکھتے ہوئے بلڈ ڈونیشن کیمپوں کا اہتمام کیا جاتا ہے۔ خون عطیہ کیمپ لگانے کا مقصد بھی یہی ہے کہ انسانی زندگی کو بچانے کیلئے خون کی ضرورت کو پورا کیا جا سکے۔ اس طرح کے فلاحی کاموں میں سبھی مذہب وملت کے افراد کو آگے آنے کی ضرورت ہے تاکہ ملک میں خون کی ضرورت کو پورا کیا جا سکے۔
