ریاست بہار میں بی جے پی کے ترجمان اظفر شمسی پر بدمعاشوں نے گولی چلائی جس سے وہ بری طرح زخمی ہو گئے، زخمی حالت میں انہیں صدر ہسپتال میں داخل کرایا گیا ہے، وہیں پولیس اس معاملے کی تحقیقات کر رہی ہے۔
بتایا جاتا ہے کہ بی جے پی کے ترجمان اظفر شمسی، جگ جیون رام کالج (جے آر ایس) میں پروفیسر بھی ہیں۔ صبح 11 بجے وہ کالج میں لیکچر دینے جارہے تھے۔ اسی دوران کالج احاطے میں پہنچتے ہی انہیں گولی مار دی گئی۔
اظفر شمسی کے بیٹے اسد شمسی نے بتایا کہ آٹو میں تین سے چار لوگ سوار تھے جہنوں نے اس واردات کو انجام دیا ہے۔
وہیں اسد نے یہ بھی کہا ہے کہ 'جگ جیون رام کالج کے پرنسپل سے ان کے والد کا تنازع چل رہا تھا، اس کے علاوہ اظفر شمسی مزدور یونین کے صدر بھی ہیں، اسد کا کہنا تھا کہ مختلف رہنماؤں سے ان کا تنازع رہتا تھا۔'
