کانگریس کے سینئر لیڈر اور کرناٹک امور کے انچارج رندیپ سرجے والا نے بھارتیہ جنتاپارٹی کے سینئر لیڈروں کی توہین کرنے اور انہیں کوڑے دان میں پھینکنے جیسے رویہ پر سخت تنقید کی ہے۔
سرجے والا نے میڈیا نمائندوں کو بتایا کہ بی جے پی کی ثقافت، پارٹی کے سینئر لیڈروں کی توہین کرنے کی ہے۔ اسی طرح وزیراعلی بی ایس یدو یورپا نے پارٹی کے مختلف لیڈروں کی توہین کی، انہیں عہدے سے ہٹادیا اور انہیں ایک کونے میں ڈال دیا۔
انہوں نے کہا ’’کرناٹک میں بی جے پی کی ایک ہائی جیک حکومت ہے۔ اسے لوگوں نے منتخب نہیں کیا ہے۔ یہ ایسی حکومت ہے جو بدعنوانی سے بھری ہوئی ہے اور ریاست کے عوام نے ان پر اعتماد کھو دیا ہے۔ انہوں نے کہا کہ کانگریس ایک ترقیاتی حامی حکومت فراہم کرنے کی کوشش کرے گی۔‘‘
یہ بھی پڑھیں:
Pegasus Espionage: احتجاج سے پہلے کانگریس کے رہنما نظربند
کانگریس رہنما نے کہا کہ آج کی میٹنگ میں تین پہلوؤں پر مرکوز رہی۔ ان میں کارکنوں سے مشورہ کرنا اور مسائل حل کرنا اہم ہے۔ نچلی سطح سے پارٹی کو منظم کرنے کی کوشش کرنا ہوگی۔ ایس سی / ایس ٹی، اقلیتی یونٹ سمیت مختلف آئین ساز اسمبلیوں میں میٹنگوں کا انعقاد کیا جائے گا۔
اس موقع پر اپوزیشن کے لیڈر سدا رمیا نے کہا کہ’’ مسٹر سرجے وانا سبھی کانگریس لیڈروں سے مل رہے ہیں اور رائے کا اندازہ لگا رہے ہیں۔ وہ ضلعوں کی صورتحال پر بھی غور کررہے ہیں اور جمہوری عمل میں پارٹی کی صورتحال پر صلاح مشورہ لے رہے ہیں۔
ریاستی کانگریس کے سربراہ ڈی کے شیو کمار نے کہا کہ پارتی نے بلاک سطح پر سنکلپ یاترا کی ہے اور ان لوگوں کے مسائل کو حل کرنے کی تیار کررہی ہے جو اپنی ضرورتیں پوری کرنے سے محروم ہیں۔
یو این آئی
