بہار: سارن میں 50 سالہ شخص کا گولی مارکر قتل

بہار میں ضلع سارن کے سون پور پولیس اسٹیشن حدود میں پیر کے روز بدمعاشوں نے ایک شخص کو گولی مارکر ہلاک کردیا۔

سون پور کے ایڈیشنل سپرنٹنڈنٹ پولیس انجنی کمار نے بتایا کہ پرمانند پور پنچایت کے مکھیا کشور کمار رائے کے بڑے بھائی رمیش رائے (50) کسی کام کے لئے جارہے تھے کہ انہیں پرمانند پور فورلین کے قریب مجرموں نے گولی مار کر ہلاک کردیا۔

انجنی کمار نے بتایا کہ واقعے کی اطلاع ملنے پر پولیس موقع پر پہنچی اور لاش کو پوسٹ مارٹم کے لئے چھپرا صدر اسپتال بھجوا دیا۔ پولیس نے کہا کہ فوری طور پر قتل کی وجوہات کا پتہ نہیں چل سکا ہے۔ جب کہ معاملے کی تحقیقات کی جارہی ہیں۔