مدھیہ پردیش میں جبل پور کے كنڈم تھانہ علاقہ کے بيجاپوری گاؤں کے جنگل سے کچھ روز قبل برآمد کی گئی لڑکی کی لاش کے معاملے میں ایک نوجوان کو گرفتار کیا گیا ہے۔
پولیس سپرنٹنڈنٹ امت سنگھ نے بتایا کہ كنڈم تھانہ علاقہ میں 5 ستمبر کو بيجاپوری گاؤں کے جنگل میں پولٹری فارم کے پیچھے واقع نالے کے پاس سے ملی ایک لڑکی کی لاش کی شناخت ہو گئی ہے اور اس معاملے میں لڑکی سے یک طرفہ عشق کرنے والے نوجوان کو گرفتار کر لیا گیا ہے۔
پولیس کے مطابق كھمريا تھانہ علاقہ کے كٹرا گوندی گاؤں کی 18 سالہ پنکی دھروے پڈريا گاؤں کے ارجن اسکول میں 3 ستبر کو پڑھنے گئی تھی۔ وہ اسکول سے واپس گھر نہیں پہنچی۔
اس کی لاش 5 ستمبر کو نالے کے پاس سے برآمد ہوئی تھی۔ اس معاملے میں اہل خانہ کی شکایت اور پوسٹ مارٹم کی رپورٹ کی بنیاد پر تفتیش شروع کی گئی۔
پولیس نے قتل کے اس معاملے میں ہنوتا گاوں کے 19 سالہ رمن سنگھ سيام کو گرفتار کیا ہے۔ ملزم پنکی کے ساتھ 12 ویں کلاس کا طالب علم ہے۔ تفتیش کے دوران اس نے طالبہ کے قتل کا جرم قبول کر لیا ہے۔
