دارالحکومت دہلی کے شمال مشرقی علاقے میں رواں برس کی ابتدا میں ہونے والے فرقہ وارانہ فسادات پر کی جا رہی تفتیش پر مسلسل سوالات اُٹھائے جا رہے ہیں۔
اس سلسلے میں معروف سماجی کارکن یوگیندر یادو نے بھی دہلی پولیس کی تفتیش پر سوال کھڑا کیا ہے۔
دہلی میں ایک تقریب کے دوران یوگیندر یادو نے کہا ہے کہ دہلی پولیس ان لوگوں کی گرفتاریاں کرہی ہے جنہوں نے شہریت ترمیمی قانون کے خلاف احتجاجی مظاہروں میں حصہ لیا۔
انہوں نے کہا کہ دہلی فسادات پر منصفانہ جانچ کی جانی چاہئے تاکہ اس سے یہ بات صاف ہو سکے کہ ان فسادات کے پیچھے کون کون لوگ شامل تھے۔
یوگیندر یادو نے مزید کہا کہ دہلی فسادات کو لیکر اتنا بڑا مذاق ہو رہا ہے یہ نہ صرف جمہوریت کے ساتھ مذاق ہے بلکہ ہمارے آئین کے ساتھ بھی مذاق ہے۔
مزید پڑھیں:'مسلمان نبی کریمؐ کی توہین کسی بھی قیمت پر برداشت نہیں کرسکتے'
انہوں نے اس کے لیے میڈیا کو بھی ذمہ دار ٹھہراتے ہوئے کہا کہ جس طرح سے گذشتہ برسوں میں اپنا کردار ادا کیا ہے وہ افسوسناک ہے ۔
انہوں نے سشانت سنگھ راجپوت کی خودکشی کے معاملے کی مثال دیتے ہوئے میڈیا کے کردار پر بھی سوال اُٹھائے ہیں۔
