تلنگانہ: مسجد انہدام معاملے میں حکومت کے خلاف رٹ پٹیشن داخل

حیدرآباد میں سیکریٹریٹ کی عمارتوں کے انہدام کے دوران ملبہ گرنے سے دو مسجدیں منہدم ہو گئی تھیں، جس کے خلاف ہائی کورٹ سے رجوع کیا گیا تھا۔

تلنگانہ اسٹیٹ وقف بورڈ اور بار کونسل کے رکن ذاکر حسین جاوید نے تلنگانہ حکومت کے خلاف ہائی کورٹ میں رٹ پٹیشن داخل کیا ہے۔

ذاکر حسین جاوید نے تلنگانہ کے دارالحکومت حیدرآباد میں میڈیا سے خطاب کرتے ہوئے ریاستی حکومت سے مطالبہ کیا کہ وہ سیکریٹریٹ میں شہید مساجد کو اسی مقام پر تعمیر کرائے۔

انہوں نے کہا کہ سیکریٹریٹ کی نئی عمارت کی تعمیر سے انہیں کوئی اعتراض نہیں، لیکن شہید مساجد کو ان کی جگہوں پر تعمیر کی جائے، کیوں کہ مسجد اللہ کا گھر ہے-

واضح رہے کہ سیکریٹریٹ کی عمارتوں کے انہدام کے دوران ملبہ گرنے سے دو مسجدیں منہدم ہو گئی تھیں، جس کے خلاف ہائی کورٹ سے رجوع کیا گیا تھا۔

اس ضمن میں ریاستی حکومت نے سیاسی، سماجی اور مذہبی جماعت یا علماء سے رابطہ کیا اور نہ ہی اطلاع دی۔