وزارت خارجہ کے مطابق سعودی عرب کے ولی عہد پرنس محمد بن سلمان، قطر کے امیر شیخ تمیم بن حمد الطہانی ، جرمنی کی چانسلر انجیلا مرکل، برطانیہ کی وزیر اعظم ٹریسا مئے، سری لنکا کے سابق صدر مہندا راج پکشے سمیت دنیا کے کئی لیڈروں نے مسٹر مودی کو فون کرکے مبارکباد دی ہے۔
مودی نے کراؤن پرنس کو گرمجوشی سے مبارکباد دینے کے لئے شکریہ اداکیا اور ہندوستان کے لوگوں کے ساتھ ان کی بیش قیمت دوستی اور دونوں ممالک کے درمیان قریبی تعلقات کو آگے بڑھانے میں ان کی ذاتی دلچسپی کے لئے ان کی تعریف کی۔
قطر کے امیر نے وزیر اعظم کو گرمجوشی سے مبارک باد دی اور ہندوستان اور قطر کے درمیان مستحکم رشتوں اور تعلقات کا ذکر کیا۔وزیر اعظم نے امیر كا شکریہ ادا کیا اور دونوں ممالک کے درمیان مضبوط شراکت داری کی تعمیر میں ان کی رہنمائی کی ستائش کی۔
