بارہ بنکی کی نواب گنج تحصیل کے کرملا پور گاؤں کی قمر جہاں کا الزام ہے کہ ان گھر کے سامنے کے صحن پر گاؤں کے غیر سماجی عناصر نے قبضہ کر کے دیوار کھڑی کر دی ہے۔ انہوں نے اس صحن پر قبضہ کے لیے دیوانی عدالت میں مقدمہ بھی کر رکھا ہے۔
بارہ بنکی میں خاتون کی غیر معینہ مدت کی بھوک ہڑتال
قمر جہاں کا کہنا ہے کہ انہوں نے پولیس میں شکایت بھی کی تھی لیکن تعمیری کام روکنے کے بجائے وہاں دیوار کھڑی کردی گئی ہے۔ قمر جہاں کا یہ بھی الزام ہے کہ تعمیری کام کے دوران ان کے گھر کی پائپ لائین بھی ٹوٹ گئی ہے جس کی وجہ سے انہیں شدید مشکلات پیش آرہی ہیں۔
قمر جہاں نے انتباہ کیا ہے کہ جب تک انہیں انصاف نہیں مل جاتا ہے. وہ یہاں بھوک ہڑتال پر بیٹھی رہیں گی. قمر جہاں کی حمایت میں بھارتیہ دلت پینتھر تنظیم بھی اتر آئی ہے۔
