کانگریس کے سینیئر رہنما اور سابق وزیرداخلہ پی چدمبر نے کشمیر کی صورت حال پر تشویش ظاہر کی ہے۔
چدمبرم نے کہا: 'میں نے جموں و کشمیر کے بارے میں پہلے ہی منفی مہم جوئی کا انتباہ دیا تھا۔ اب لگ رہا ہے کہ حکومت ایسا کرنے کی راہ پر نکل پڑی ہے۔'
سابق وزیرداخلہ نے کہا: 'کشمیری رہنماؤں کی نظر بندی سے یہ عندیہ ملتا ہے کہ حکومت اپنے اہداف کو حاصل کرنے کے لیے سبھی جمہوری اصولوں اور ضوابط کی خلاف ورزی کرے گی۔ میں ان رہنماؤں کی گرفتاری کی مذمت کرتا ہوں۔'
انہوں نے ایک دوسرا ٹوئٹ کرتے ہوئے کہا: 'آج کا دن ختم ہونے سے پہلے ہمیں معلوم ہوگا کہ کیا جموں و کشمیر میں ایک بڑا بحران شروع ہوگا۔'
