عالمی ادارہ صحت نے کورونا وائرس کے خوف اور بڑھتے خدشات سے لوگوں کو بیدار کرنے کے لیے ایک نیا طریقہ اختیار کیا ہے۔
ادارہ نے لوگوں کو کورونا وائرس سے باخبر رکھنے اور خاص طور پر ان لوگوں کو جو اس وبائی امراض کے شکار ہوئے ہیں انہیں بھی ہوشیار رکھنے کے لیے سوشل میڈیا مہم شروع کی ہے۔
ڈبلیو ایچ او کے ڈائریکٹر جنرل ٹیڈروس اذانوم گیبریئس نے بتایا کہ یقینا لوگ اس وبائی امراض سے بے حد خوف زدہ ہیں لیکن ایسے وقت میں انہیں اس وائرس کے تعلق سے معلومات کا ہونا بھی بے حدضروری ہے۔
انہوں نے کہا کہ ' کو ویڈ 19' سے حفاظت کے لیے عالمی ادارہ صحت سوشل میڈیا کے ذریعے ایک مہم شروع کر رہا ہے جس کے ذریعے لوگوں کو اس مرض کے تعلق سے باخبر کیا جائیگا ساتھ ہی اگر لوگ اس مرض کے تعلق سے کسی طرح کا خوف محسوس کرتے ہیں تو وہ اپنے ارد گرد موجود لوگوں سے مل کر اس تعلق سے بات کرسکیں گے۔
ٹیڈرس نے مزید یہ بھی کہا کہ اس تعلق سے ہم نے جتنا بھی جانا ہے ابھی اس سے کہیں زیادہ چیزیں جاننی باقی ہیں اسی لیے ہم لوگ مسلسل اس تعلق سے جاننے کی کوشش کر رہیں ہیں اور یہ یقین بھی ہے کہ جلد از جلد اس پر قابو پایا جا سکے گا۔
مزد پڑھیں:کپل مشرا کو قانونی نوٹس
انہوں نے مزید کہا کہ' اس وبائی امراض سے لڑنے کے لیے ہمیں باہم متفق ہونا پڑےگا اور ساتھ ساتھ ان کی ہمت افزائی اور مدد کرنا ہوگا جو اس مرض کے شکار ہوئے ہیں۔
