انھوں نے اپنے ٹویٹ میں لکھا کہ دو ماہ سے جموں کشمیر میں جاری بندشوں اور قدغنوں کا سب سے زیادہ اثر وہاں کے بچوں پر پڑا ہے۔ انھوں نے لکھا کہ 'کیا آپ نے ایسی کوئی حکومت دیکھی ہے جو بات ترقی کی کرتی ہے مگر بچوں کو سکول سے دور رکھنے کا اقدام کرتی ہے۔
انھوں نے سوال کیا کہ بی جے پی حکومت نے کشمیر کی آنے والی نسل کو یہ کس طرح کا پیغام دیا ہے۔
واضح رہے کہ پانچ اگست کو مرکز نے جموں و کشمیر کے خصوصی حیثیت دفعہ 370 اور 35 اے کو پارلیمینٹ میں قانون سازی کے ذریعہ ختم کردیا تھا، جس کے بعد سے کشمیر میں بند اور کرفیو جاری ہے۔
