دارالحکومت دہلی سے متصل شہر نوئڈا کے سیکٹر 9 میں واقع کانگریس پارٹی کے دفتر میں بلاک کانگریس کمیٹی کے صدر شہاب الدین کی قیادت میں ایک تقریب کا انعقاد کیا گیا۔
پروگرام میں کانگریس پارٹی کے سینیئر رہنما اور سابق رکن پارلیمان کمانڈو کمل کشور کا بلاک کانگریس کمیٹی کی طرف سے گل پوشی کی گئی اور گلدستہ دے کر ان کا استقبال کیا گیا۔
اس موقع پر کانگریس پارٹی کے سینیئر لیڈر سابق ممبر پارلیمنٹ کمل کشور کمانڈو نے کہا کہ آپ لوگ کانگریس پارٹی کے لیے مضبوطی سے کام کریں، آنے والا وقت کانگریس پارٹی کا ہوگا اور جلد ہی کانگریس پارٹی بڑا فیصلہ کرنے والی ہے۔
مہمان خصوصی نے تمام کارکنان کو پارٹی کے ساتھ شانہ بہ شانہ چلنے کا مشورہ دیتے ہوئے غریب اور پرسان حال شہریوں کے مسائل کے حوالے سے تبادلہ خیال کیا۔
اس موقع پر ان کے ساتھ کانگریس پارٹی کی خاتون سینیئر رہنما ریکھا چوہان کے علاوہ اندرجیت تیواری موجود تھے۔
میزبان رہنماؤں میں شاكر سیفی، شہاب الدین، محمد انزار، محمدلالو، وكل گوجر، شاہد محمد، لالو رام شرما ، جلال الدین كمرو سمیر پپو، ساحل، راجیش، پرویز، راجوتي دیوی، هورام شرما شامل تھے، جنہوں نے مہمانان کا شاندار استقبال کیا۔
