ریاست مدھیہ پردیش کے دارالحکومت بھوپال میں جمعیت علماء ہند کے زیراہتمام ایک بامقصد پروگرام بعنوان حالات حاضرہ اور ہماری ذمہ داری منعقد کیا گیا-
اس اجلاس کی سربراہی حاجی محمد ہارون صدر جمیعت علماء مدھیہ پردیش نے کی اور پروگرام کے مہمان خصوصی مولانا حکیم الدین قاسمی قومی سکریٹری جمعیت علماء ہند تھے-
اس پروگرام کے ذریعے شہر اور ملک کی مشکلات کو دور کرنے کے سلسلے میں ترقی باہمی، اتحاد بھائی چارے اور معاشرے سے متعلق اہم امور زیر بحث آئے جس میں صفائی کا پیغام، شہری ترقیاتی کاموں پر دھیان، بیٹی بچاؤ جیسے موضوعات زیر بحث آئے۔
اس پروگرام میں معیاری تعلیم، روزگار، مسلم معاشرے کی ترقی، مسلم معاشرے کے دیگر مسائل اور دیگر ضروریات کے لیے بیداری پیغام دیا گیا۔
مزید پڑھیں : 'مسلمانوں کا متحد ہونا وقت کی اہم ضرورت'
پروگرام کے مہمان خصوصی مولانا حکیم الدین قاسمی خطاب کرتے ہوئے کہا کہ 'ہر نوجوان کو اپنی ذمہ داری کو سمجھنا چاہیے اور اس کے بارے میں فکر کرنی چاہئے یہ ضروری ہے کی ترقی کی راہ میں اپنا ہاتھ بٹائے اور ہم سب کی ذمہ داری ہوتی ہے کہ ہم اپنی سطح پر برائیوں کو روکنے کی کوشش کریں'۔
مزید پڑھیں : 'مودی حکومت بابری مسجد کی از سر نو تعمیر کرے'
مدھیہ پردیس جمیعت علما ہند کے صدر حاجی ہارون نے کہا کہ 'جمیعت علماء ہند نے سدبھاونا منچ بنانے کا فیصلہ کیا ہے، جس کے تحت جمیعت علماء ہند کی رکنیت سازی مہم پورے ملک میں شروع ہو گی- اور یہ مہم مد پردیش میں بھی چل رہی ہے اور بھوپال میں بھی جاری ہے جس میں زیادہ سے زیادہ جمیعت علماء ہند کا رکن بنانے کوششیں جاری ہے'۔
