'وکاس دوبے کی موت ہیمریج اور صدمے سے ہوئی'

کانپور انکاؤنٹر کے ملزم وکاس دوبے کو گزشتہ 10 جولائی کو پولیس کی تحویل میں سے فرار ہونے کی کوشش کے دوران ایک انکاؤنٹر میں ہلاک کیا گیا۔

دوبے کی موت کے بعد کووڈ 19 سے متعلق بھی ٹیسٹ کیا گیا تھا، اس کی رپورٹ منفی آئی۔

اطلاع کے مطابق تین جولائی کو دوبے اور اس کے ساتھیوں نے کانپور کے بکرو گاؤں میں ایک ڈی ایس پی سمیت 8 پولیس اہلکاروں کو گولی مار کر ہلاک کر دیا تھا۔

وکاس دوبے کو مدھیہ پردیش پولیس نے نو جولائی کو اُجین میں گرفتار کیا تھا۔ وہ بھاگ رہے تھے اور مہاکالی مندر میں پوچا کے لیے شہر آئے تھے۔

کانپور کے گینگسٹر وکاس دوبے کے انکاؤنٹر کے بعد ریاست اترپردیش کے ضلع سہارنپور کے دیوبند علاقے کے بدمعاش بھی گھبرائے ہوئے ہیں اور ان میں ڈر اور خوف کا ماحول پایا جارہا ہے۔ اس لیے وہ خودسپردگی کو ترجیح دے رہے ہیں۔