گلبرگہ پارلیمانی حلقے کے ووٹرز کا رجحان کیا ہے؟

ریاست کرناٹک کے گلبرگہ پارلیمانی حلقے میں مسلمانوں نے کانگریس پارٹی سے ناراضگی ظاہر کی۔ لیکن ان کا جھکاو کس طرف ہے یہ ابھی کہنا کافی مشکل ہے۔

عوام کا کہنا ہے کہ انہیں بنیادی سہولیات بھی میسر نہیں ہے۔ پانی کے مسائل، بجلی کے مسائل اور راستوں کے مسائل حل نہیں ہوئے۔ یہاں کے مسلم علاقوں میں اب تک مسلمانوں کے بنیادی مسائل کوحل کرنے کبھی موجودہ رکن پارلیمان ملکا ارجن کھرگے نہیں آئے۔ اور نہ ہی کبھی ہماری فکر کی۔

یہاں کے مسلمانوں کی یاد سیاسی پارٹیوں کو صرف انتخابات کے وقت آتی ہے۔

کانگریس پارٹی مسلمانوں کو صرف استعمال کرتی آرہی ہے۔ انہیں صرف ووٹ بینک سمجھا جاتا ہے۔ یہ کہنا ہے یہاں کے مسلمانوں کا۔

خیال رہے کہ گلبرگہ سے کانگریس کے سینیئر رہنما ملکا ارجن کھرگے اور بی جے پی نے اپنا امیدوار امیش جی جادھو کو بنایا ہے جن کے درمیان سخت مقابلے کی توقع ہے۔