مرکزی وزیر توانائی آر کے سنگھ نے جمعرات کو ویڈیو کانگرنسنگ کے ذریعہ کہا کہ بجلی کا شعبہ انفرااسٹرکچر کا ایک سب سے اہم جز ہے جو ملک کی معیشت کی مستقل ترقی میں اہم کردار ادا کرتا ہے۔
وزارت توانائی نے ملک کی میعشت کو اور مضبوط بنانے کے وسیع مقاصد کے تحت بجلی ایکٹ 2003 میں ترمیم کے لیے بجلی ایکٹ (ترمیم) بل 2020 کی شکل میں ایک مسودہ تیار کیا ہے۔
انہوں نے کسی طرح کے شک و شبہات کو دور کرنے کے لیے بجلی کے شعبے میں مجوزہ اصلاحات کی تفصیلی اطلاعات معلومات دیں۔
انہوں نے یہ بھی بتایا کہ ریاستوں کو سبسڈی فراہم کرنے پر کوئی پابندی نہیں ہے کیونکہ ریاست جتنی چاہے اتنی سبسڈی دے سکتے ہیں لیکن انہیں ڈی بی ٹی کے ذریعہ پیشگی ادائیگی کرنی ہوگی تاکہ ڈسکام مضبوط رہے اور سپلائی کے بنیادی ڈھانچے کو برقرار رکھنے میں اہل ہو۔
