ریاست اترپردیش کے رامپور میں طلبہ تنظیم اسٹوڈنٹس اسلامک آرگنائزیشن آف انڈیا کی جانب سے سیرت النبی صلی اللہ علیہ وسلم کے پیغام کو عام کرنے کے لئے مختلف مقابلوں کا اہتمام کیا جائے گا۔ 22 نومبر سے شروع ہو رہے ان مقابلوں میں 8 سے 18 برس تک کی عمر کے طلبہ حصہ لے سکتے ہیں۔
طلبہ و نوجوانوں کے درمیان اسلامی فکر کو عام کرنے والی طلبہ تنظیم ایس آئی او یعنی اسٹوڈنٹس اسلامک آرگنائزیشن آف انڈیا رامپور یونٹ کی جانب سے سیرت مقابلوں کا اہتمام کیا جا رہا ہے۔
سیرت النبی صلی اللہ علیہ وسلم کی تعلیمات کو عام کرنے کے مقصد سے اس میں سب سے پہلے 22 نومبر کو قرات کمپیٹیشن کا اہتمام کرایا جائے گا۔ اس کے بعد سیرت کوئز کمپیٹیشن، نعت، تقریری مقابلہ اور سیرت کے موضوع پر مضمون نگاری وغیرہ کا اہتمام کیا جائے گا۔
ان تمام مقابلوں کا اہتمام کس طرح کیا جا رہا ہے؟ اس متعلق ای ٹی وی بھارت سے بات کرتے ہوئے سیرت مقاملوں کے کنوینر عبدالفتح نے بتایا کہ ان مقابلوں میں 8 سے 18 سال تک کی عمر کے طلبہ حصہ لے سکتے ہیں اور یہ مقابلے دو گروپس میں کرائے جائیں گے۔
سیرت کے موضوع پر ہونے ان مقابلوں میں جو طلبہ اپنی بہتر کارکردگی پیش کریں گے ان کی حوصلہ افزائی کے لئے انہیں انعامات سے بھی نوازا جائے گا۔
واضح رہے کہ کووڈ۔19 خیال رکھتے ہوئے ایس آئی او کی جانب سے سیرت کے ان مقابلوں کی تمام سرگرمیاں آن لائن انجام دی جا رہی ہیں۔ تاکہ بہتر طور پر سوشل ڈسٹینسنگ کا اہتمام کیا جا سکے اور طلبہ و نوجوانوں تک سیرت کے پیغام کو پہنچایا جا سکے۔
