ذرائع کے مطابق فضائیہ کے دو ہیلی کاپٹر متاثرہ علاقہ موری تحصیل کے اراكوٹ پہنچ گئے ہیں۔ اس کے ساتھ ہی گاؤں اراكوٹ سے ایک خاتون سمیت چار افراد کو علاج کے لئے دہرادون میں واقع دون میڈیکل کالج میں لایا گیا ہے۔
ڈاکٹروں نے ان سبھی کی حالت مستحکم بتائی ہے۔ ذرائع نے بتایاسیلاب سے متاثرہ سبھی چار علاقوں میں ہیلی کاپٹر کے ذریعے غذائی اشیاء پہنچائی جا رہی ہے۔
ادھرمحکمہ موسمیات نے اگلے 24 گھنٹے میں ریاست کے کچھ مقامات پر شدید بارش ہونے کا امکان ظاہر کیا ہے۔
اترکاشی میں شدید بارش اور سیلاب سے متاثرہ لوگوں کے لئے راحتی سامان لے کر فضائیہ کا ہیلی کاپٹر اراكوٹ پہنچ گیا ہے۔
ڈیزاسٹر منیجمنٹ کے سیکریٹری امت نیگی نے پیر کی صبح بتایا کہ موری تحصیل کے اراكوٹ گاؤں میں واقع انٹر کالج احاطے میں متاثر کنبوں کو رکھا گیا ہے اور ان کنبوں کے لئے راحتی سامان لے کر فضائیہ کا پہلا ہیلی کاپٹر آج صبح یہاں پہنچا۔
اس میں اطلاعات کے تکنیکی سامان کے علاوہ دیگر ضروری راحتی سامان ہیں۔ انہوں نے بتایا کہ ایڈیشنل ضلع مجسٹریٹ بھی موقع پر پہنچ گئے ہیں۔
واضح ر ہے کہ ضلع اترکاشی میں شدید بارش اور سیلاب کی وجہ سے اب تک 21 افراد ہلاک اور پانچ دیگر افراد ابھی تک لاپتہ ہیں۔
