امریکی ریاست میساچوسٹس میں واقع امریکی دوا ساز کمپنی ماڈرنا نے امریکہ کے محکمہ فوڈ اینڈ ڈرگ ایڈمنسٹریشن سے کورونا ویکسین کی ہنگامی حالت میں استعمال کی منظوری طلب کی ہے۔
سوشل میڈیا پر ان دوا ساز کمپنیوں کی جانب سے ایک بیان جاری کیا گیا، جس میں انہوں نے بتایا کہ اپنی کورونا ویکسین کے کلینکل تجربے کے نتائج ایف ڈی اے کو سونپ دیے گئے ہیں۔
کمپنی نے مزید ٹوئٹ میں کہا کہ کورونا کی ویکسین ایم آر این اے۔ 1273 کے ہنگامی حالت میں استعمال کی منظوری کے لیے امریکہ کے ایف ڈی اے محکمہ کو اس کے کلینکل تجربے کا سارا ڈیٹا سونپ دیا گیا ہے۔
ماڈرنا کے مطابق اس کی کورونا ویکسین 94.1 فیصد تک کارآمد ہے اور کووڈ-19 انفیکشن کے سنجیدہ کیسز میں یہ 100 فیصد تک کارگر پائی گئی ہے۔
واضح رہے کہ دوا ساز کمپنی کا یہ بھی دعویٰ ہے کہ اس کی ویکسین مکمل طور پر محفوظ بھی ہے۔
خیال رہے کہ آئندہ کچھ ہفتوں کے اندر امریکہ میں ہنگامی حالات میں استعمال کے لیے کم سے کم تین کورونا ویکسین کو منظوری دی جاسکتی ہے۔
واضح رہے کہ 14 نومبر کو کورونا ویکسین تیار کرنے والی ٹیم آپریشن وارپ سپیڈ کے سربراہ مونسیف سلاؤ نے وائٹ ہاؤس میں پریس کانفرنس کی تھی۔
اس پریس کانفرنس میں یہ اعلان کیا کہ امریکہ میں دسمبر تک کورونا ویکسین کے بڑھتے انفیکشن کو روکنے کے لیے فوری ویکسین کے استعمال کی منظوری مل سکتی ہے۔
