پنڈت ہری چند اختر پر مولانا آزاد نیشنل اردو یونیورسٹی دو روزہ سیمینار کا انعقاد کیا گیا۔
اس سیمنار میں کیرالہ کے گورنر عارف محمد خان نے پنڈت ہری چند اختر کی اردو خدمات کی ستائش کرتے ہوئے عوام کو ان کی خدمات سے واقف کروانے پر زور دیا۔
عارف محمد خان نے اردو کو عوام کو جوڑنے والی زبان قرار دیتے ہوئے کہا کہ اسے نفرت پھیلانے کیلئے استعمال نہیں کیا جانا چاہیے۔
گورنر خان نے اپنے خطاب کے دوران قرآنی آیات کا حوالہ دیتے ہوئے تحقیق و بصیرت پر زور دیا اور کہا کہ اللہ کی بنائی چیزوں پر غور و خوض اور تجربے کے ذریعے ترقی کی منازل طے کی جا سکتی ہیں۔
مولانا آزاد نیشنل اردو یونیورسٹی وائس چانسلر ڈاکٹر محمد اسلم پرویز نے ہری چند اختر پر سیمنار کے انعقاد کو بہترین اقدام قرار دیا لیکن اس بات پر افسوس کا اظہار کرتے ہوئے کہا کہ ہری چند اختر کا نہایت کم ذخیرہ موجود ہے اس میں اضافے کی ضرورت ہے_
انہوں نے نوجوانوں سے پنڈت اختر پر مزید کام کرنے اور ان پر تحقیق کرنے کی تلقین کی۔
مزید پڑھیں : یونیسکو کے کریٹیو سٹی کے طورپر حیدرآباد کا انتخاب
اس موقع پر اردو میں نمایاں خدمات انجام دینے والی شخصیات کو گورنر عارف محمد خان کے ہاتھوں تہنیت پیش کی گئی۔
