یونیورسٹی گرانٹ کمیشن نے یونیورسٹیز اور کالجس کھولنے کے لئے نئے رہنمایانہ خطوط جاری کئے ہیں۔
وزارت تعلیم کے مطابق ریاست کی یونیورسٹیز اور کالجس میں کمیشن کی جانب سے تیار کئے گئے حفاظتی اور ہیلت پروٹوکول کے رہنمایانہ خطوط پر عمل آوری کے لئے متعلقہ ریاستیں / مرکزی حکومت فیصلہ کریں گی۔
نئے رہنمایانہ خطوط کے مطابق یونیورسٹیزاورکالج کیمپس مرحلہ وار طریقے سے کھولے جاسکتے ہیں۔ سبھی تحقیقی طالب علموں اور سائنس ٹیکنالوجی کے کورسز کے ماسٹرز طلبہ کو پہلے کالج بلایا جاسکتا ہے کیونکہ ان کی تعداد دوسرے کورسز کے طلبہ سے کم ہے۔
اس کے علاوہ، اگر طلبا چاہیں تو، وہ کلاسز میں شرکت نہ کرکے گھر میں رہ کر آن لائن کورسز میں حصہ لے سکتے ہیں البتہ کورونا انفیکشن کی علامات والے طلباء کو کیمپس، یونیورسٹی یا کالج ہاسٹل میں شیئر روم میں رہنے کی اجازت نہیں دی جانی چاہئے۔
