امریکہ کے وزیر دفاع مارک ایسپر نے کہا کہ امریکہ اپنے اتحادیوں کے ساتھ مشترکہ طور درمیانی دوری کے بیلسٹک میزائلوں کو ممکنہ طور پر تعینات کرے گا۔
مسٹر ایسپر نے کہا کہ ہم درمیانہ دوری کے میزائل تیار کررہے ہیں، اور اگر ہمارے کمانڈرز کو ضرورت ہو گی، تو ہم یوروپ اور ایشیا میں اپنے اتحادیوں کے ساتھ مل کر میزائل کی ممکنہ تعیناتی کے سلسلے میں سنجیدگی سے بات چیت کریں گے۔
وینڈین برگ ایئر فورس بیس کے عوامی امور کے افسر نے بتایا کہ امریکہ نے کیلی فورنیا کے وینڈین برگ ایئر فورس بیس سے درمیانی دوری کے میزائل کا تجربہ کیا ہے۔
واضح رہے کہ امریکہ، افغانستان میں اپنے فوجیوں کی تعداد کو کم کرنے پر غور کررہا ہے، جس کے لیے حکام کئی طریق کار کا جائزہ لے رہے ہیں۔
چیئرمین جوائنٹ چیف آف اسٹاف جنرل مارک ملی نے کہا ہے کہ افغانستان میں دہشت گردوں سے لڑنے کے لیے امریکی فوجیوں کی تعداد کم کی جائے، تاہم انہوں نے حتمی تعداد نہیں بتائی۔
انہوں نے مزید کہا کہ ہمارے پاس اختیارات ہیں۔ اس وقت افغانستان میں امریکی فوجیوں کی تعداد 13ہزار ہے، جن میں سے پانچ ہزار سکیورٹی سے متعلق آپریشن میں حصہ لے رہے ہیں۔ باقی اہلکار افغان سیکورٹی فورسز کی تربیت، مشورے اور مدد کے لئے ناٹو مشن کا حصہ ہیں۔
اس موقع پر امریکی سیکریٹری دفاع مارک ایسپر نے کہا کہ 'میں بھی چاہتا ہوں کہ افغانستان میں امریکی فوجیوں کی تعداد کم کی جائے۔'
