قومی دارالحکومت دہلی کے شاہین باغ میں دھرنے کے مقام کے آس پاس سی اے اے، این آر سی اور این پی آر کے خلاف احتجاج میں مختلف رنگ دیکھنے کو مل رہے ہیں۔
یہاں مختلف فنکاروں کے ذریعے ڈمی انڈیا گیٹ، ہندوستان کا جھنڈا، حراستی مرکز، بس اسٹینڈ تاہم شاہین باغ میں لائبریری وغیرہ بنائے گئے ہیں۔
سی اے اے، این آر سی اور این پی آر کے خلاف اس دھرنے میں مجاہدین آزادی کی تصاویر بھی چسپاں ہیں۔
اس دھرنے میں شامل لوگوں نے انڈیا گیٹ کی شکل میں ایک ڈمی انڈیا گیٹ بنایا ہے،ساتھ ہی یہاں ایک بڑا بھارتی پرچم بھی نظر آرہا ہے، اس کے علاوہ یہاں حراستی مرکز بھی تعمیر کیا گیا ہے۔بھارت کا ایک نقشہ بھی یہاں بنایا گیا ہے جو سڑک کے بیچ و بیچ ہے، اس کے علاوہ یہاں کے ایک بس اسٹینڈ کو ایک لائبریری کی شکل دی گئی ہے جہاں کتابیں دیکھی جاسکتی ہیں۔
مزید پڑھیں:بھارت امریکہ کے مابین تجارتی معاہدہ ابھی نہیں: ٹرمپ
واضح رہے کہ یہ دھرنا شاہین باغ دہلی سے نوئیڈا جانے والی ایک مرکزی سڑک پر ہورہا ہے جس کی وجہ سے وہاں کا ٹریفک نظام درھم برھم ہے۔
