اس معاملے میں دو سینئر آئی اے ایس افسران کو کورونا سے متعلق تمام رپورٹس وزارت کو بھجینے کے لیے تعینات کیا گیا ہے۔
ان افسران کو لیفٹیننٹ گورنر اور چیف سکریٹری کی نگرانی کے لئے دفتر میں تعینات کیا گیا ہے۔
یہ افسران روزانہ اپنی رپورٹ وزارت داخلہ کو دیں گے۔
سنہ 1993 بیچ کے آئی اے ایس افسر ایس سی ایل داس کو لیفٹیننٹ گورنر سکریٹریٹ اور ایس ایس یادو جو کہ 1995 بیچ کے آئی اے ایس افسر ہیں، انہیں دہلی حکومت کے چیف سکریٹری آفس میں تعینات کیا گیا ہے۔
دہلی میں بدھ کے روز 24 گھنٹوں کے دوران 2414 نئے معاملات رپورٹ ہوئے ہیں، اس کے علاوہ 67 افراد ہلاک ہوئے ہیں۔
دہلی میں کورونا سے متاثرہ مریضوں کی تعداد 47 ہزار کو عبور کر چکی ہے اور اب تک 1906 افراد ہلاک ہو چکے ہیں۔
