سماجی رابطے کی ویب سائٹ ٹویٹر نے بدھ کے روز نائب صدر جمہوریہ وینکیا نائیڈو کے ٹویٹر ہینڈل پر رنگین غباروں کے ساتھ انہیں سالگرہ کی مبارکباد پیش کی۔
ٹویٹر پر نائب صدر جمہوریہ کا آفیشل پیج ’’وائس پریزیڈنٹ آف انڈیا‘‘ کھولتے ہی چند سیکنڈوں تک رنگین غبارے اڑتے دکھائی دیتے ہیں۔ نائیڈو کی سالگرہ کے موقعے پر ٹویٹر نے ان کے پیج پر یہ خصوصی انتظام کیا ہے۔
نائب صدر جمہوریہ کے آفیشل پیج پر پانچ لاکھ 25 ہزار فالوور ہیں اور یہ اکاؤنٹ تین ٹویٹر اکاؤنٹس کو فالو کرتا ہے۔
ایم وینکیا نائیڈو یکم جولائی 1949 کو ریاست آندھرا پردیش میں ضلع نیلور کے چاوٹپلیم میں پیدا ہوئے تھے۔ انہوں نے 11 اگست 2017 کو 13 ویں نائب صدر کی حیثیت سے عہدہ سنبھالا تھا۔
دریں اثناء، صدر جمہوریہ رام ناتھ کووند، وزیر اعظم نریندر مودی اور کئی مرکزی وزراء اور دیگر مشہور شخصیات نے بھی نائیڈو کو سالگرہ پر مبارکباد پیش کی ہے۔
