امریکی صدر ڈونلڈ ٹرمپ اور خاتون اول میلانیا ٹرمپ اس وقت بھارت کے دورہ پر ہیں اور انہوں نے سابرمتی آشرم کا دورہ کیا۔
گزشتہ روز ٹرمپ دو روزہ دورے پر ریاست گجرات کے احمدآباد پہنچے اور وزیراعظم نریندر مودی نے احمدآباد ایئرپورٹ پر ان کا شاندار استقبال کیا نیز 22 کلو میٹر روڈ شو میں بھی حصہ لیا۔
امریکی صدر ڈونلڈ ٹرمپ اور ان کی اہلیہ نے اپنے دورے کے پہلے دن سابرمتی آشرم کا دورہ کیا جہاں دونوں نے مہاتما گاندھی کو خراج عقیدت پیش کیا تھا، یہاں تک کہ امریکی صدر اور ان کی اہلیہ نے بھی 'چرخہ' بھی چلایا تھا۔
تاہم امریکی صدر ڈونلڈ ٹرمپ نے 'بابائے قوم' یعنی گاندھی جی کا ذکر کے بغیر وزیٹر بُک میں ایک پیغام لکھا، ٹرمپ نے وزیٹر بک میں لکھا کہ' میرے عزیز دوست وزیراعظم مودی، اس شاندار دورے کے لیے آپ کا شکریہ۔'
ٹرمپ کی جانب سے لکھے گئے نوٹ میں مہاتما گاندھی کے ذکر نہ کرنے پر سوشل میڈیا صارفین نے ٹرمپ کے نوٹ کا موازنہ سابق امریکی صدر بارک اوبامہ کے نوٹ ساتھ کیا گیا۔
بارک اوبامہ نے سنہ 2010 میں بھارت کے دورے کے دوران جنوبی ممبئی میں واقع گاندھی جی کے گھر 'منی بھون' کا دورہ کیا تھا جہاں انہوں نے وزیٹر بک میں ایک نوٹ بھی لکھا تھا۔
اوبامہ نے لکھا تھا 'میں کافی خوش ہوں کہ مجھے گاندھی جی کی زندگی کے بارے میں جاننے کا موقع ملا وہ نہ صرف بھارت بلکہ دنیا کے ہیرو ہیں۔'
یہاں تکہ کہ سنہ 2015 راج گھاٹ کا دورہ کرنے کے بعد اوبامہ نے لکھا تھا' ڈاکٹر مارٹن لوتھر کنگ جونیئر نے جو کہا تھا وہ آج بھی سچ ہے۔ 'گاندھی جی کی روح آج بھی بھارت میں زندہ ہے اور یہ دنیا کے لیے ایک بہت بڑا تحفہ ہے۔ ہم سب لوگوں ہمیشہ محبت اور امن کے جذبے کے ساتھ زندگی بسر کریں۔'
