دہلی میں کووڈ 19 مریضوں کے علاج کے لیے تین پولیس اہلکاروں کا پلازما کا عطیہ

کرونا سے صحت یاب ہونے کے بعد تین پولیس اہلکاروں نے نئی دہلی میں کووڈ 19 مریضوں کے علاج کے لئے اپنا پلازما عطیہ کیا ہے۔

تین پولیس اہلکاروں نے نئی دہلی میں کووڈ 19 مریضوں کے علاج کے لئے اپنا پلازما عطیہ کرکے انسانیت کی مثال قائم کی ہے۔

پولیس اہلکاروں کو امر کالونی پولیس اسٹیشن کے علاقے میں تعینات کیا گیا تھا۔ کورونا کے ساتھ جنگ جیتنے کے بعد ، ان تینوں نے بیماری میں مبتلا دوسرے مریضوں کو اپنا پلازما عطیہ کیا ہے۔

پولیس اہلکار اوم پرکاش ، پروین اور رائے سنگھ ڈیوٹی پر کام کرتے ہوئے اس مرض میں مبتلا تھے۔ ڈی سی پی ساؤتھ ایسٹ آر پی مینا نے بتایا کہ کووڈ 19 مثبت آنے کے بعد تینوں کو علاج کے لئے اسپتال بھیج دیا گیا ہے۔

ڈی سی پی مینا نے مزید بتایا کہ ایک اسپتال میں 14 دن علاج کے بعد ، وہ سب ٹھیک ہوگئے اور انہوں نے کووڈ 19 کے دیگر مریضوں کی مدد کے لئے اپنا پلازما عطیہ کرنے کا فیصلہ کیا ہے۔