یونائیٹڈ مسلم ایکشن کمیٹی نے متحدہ طور پر پوری ریاست بھر میں تین بڑی پروگرام کا اعلان کیا ہے۔
ویڈیو : سی اے اے اور این آر سی کے خلاف تین اہم پروگرام
کل ہند مجلس اتحادالمسلیمین کے صدر و رکن پارلیمان بیرسٹر اسد الدین اویسی نے شہر کے علما کی موجودگی میں اعلان کیا کہ نیشنل پالولیشن رجسٹر کے مسئلہ پر تلنگانہ کے عوام کو وزیر اعلی کے فیصلہ کا انتظار کیا جائے گا۔
اس موقع پر یونائیٹڈ مسلم ایکشن کمیٹی نے تین بڑے پروگرام کا اعلان کیا۔ جس کی تفصیل اس طرح ہے:
- دس جنوری 2020 کو عیدگاہ میر عالم سے ترنگا ریلی نکالی جائے گی۔
- پچّیس جنوری 2020 کو چارمینار کے دامن میں جلسہ اور مشاعرہ منعقد کیا جائے گا۔
- تیس جنوری 2020 کو محمدی لائن سے باپوگھاٹ تک انسانی زنجیر کا اہتمام کیا جائے گا۔سی اے اے اور این آر سی کے خلاف تین اہم پروگرام
واضح رہے کہ بیرسٹر اسد الدین اویسی نے حیدرآباد کے متعدد علما کے ایک گروپ کے ساتھ تلنگانہ کے وزیر اعلی کے چندر شیکھر راو سے ملاقات کی تھی، جس پر وزیر اعلی نے تیقن دیا تھا کہ اگلے دو دن میں این پی آر، این آر سی اور سی اے اے سے متعلق وضاحت پیش کی جائے گی اور حتمی فیصلہ لیا جائے گا۔ لیکن ابھی تک ریاستی حکومت نے اس بارے میں کوئی حتمی فیصلہ نہیں لیا ہے۔
