بھارتی ریاست راجستھان میں ضلع بیکانیر کے جامسر تھانہ حلقے میں آج ایک گھر میں کافی وقت سے بند پڑے پانی کے کوئیں کی صفائی کرتے وقت زہریلی گیس چڑھ جانے کی وجہ سے تین افراد کی موت ہوگئی ہے۔
تھانہ انچارج کانا رام نے بتایا کہ علاقے کے جلالسر گاؤں میں کوئیں میں تین افراد کے گرنے کی اطلاع پر پولیس نے موقع پر پہنچ کر تینوں کو باہر نکالا۔
ہلاک ہونے والوں کی شناخت ارشد شاہ وزیر شاہ اور عمران شاہ کے طور پر ہوئی ہے۔
پولیس کا مزید کہنا ہے کہ ارشد شاہ کے مکان میں کافی وقت سے بند پڑے کوئیں کی صفائی کرنے کے لیے اس میں اترا تو زہریلی گیس چڑھ گئی۔
وہ بے ہوش ہوکر کوئیں میں گر گئے تبھی اوپر کھڑے وزیر شاہ اور عمران شاہ اسے نکالنے کے لیے کوئیں میں اتر گئے، لیکن یہ دونوں بھی زہریلی گیس کے چڑھنے کی وجہ سے بے ہوش ہوگئے، جس سے وہاں افراتفری مچ گئی۔
اطلاع ملنے پر پولیس پرائمری ہیلتھ سینٹر سے ڈاکٹر کو ساتھ لے کر جلالسر پہنچی تب تک ان تینوں کی موت ہوچکی تھی۔
تھانہ افسر نے بتایا کہ جس کوئیں کی صفائی کی جارہی تھی اس میں بہت زیادہ کچڑا، کپڑے اور پلاسٹک کے سامان پڑے تھے۔ کوئیں کے تیل میں تھوڑا پانی بھی تھا۔ اس میں شدید گرم ماحول ہونے کی وجہ سے کوئیں میں زہریلی گیس پیدا ہوگئی تھی۔
پولیس نے لاشوں کو پوسٹ مارٹم کے بعد اہل خانہ کے حوالے کر دیا۔ پولیس نے معاملہ درج کرکے تفتیش شروع کر دی ہے۔
