یو جی سی نے عدالت عظمیٰ میں آج حلف نامہ دائر کرکے کہا کہ 30ستمبر تک سال آخر کے امتحانات منعقد کرنے کے تعلق سے نوٹیفکیشن کا مقصد طلباء کو اگلے سال کی پڑھائی میں تاخیر ہونے سے روکنا ہے۔اس معاملے میں سپریم کورٹ جمعہ کو سماعت کرے گا۔
کمیشن کا کہنا ہے کہ یونیورسٹی گرانٹ کمیشن ایکٹ کے تحت انہیں بچوں کی اعلیٰ تعلیم کے تناظر میں پالیسی ساز فیصلہ کرنے کا اختیار ہے۔اسی اختیار کے تحت انہوں نے بچوں کے مستقبل کی بہتری کے پیش نظر 30ستمبر تک فائینل ایئر کے امتحانات کرانے کی ہدایت دی ہے۔
کمیشن کا کہنا ہے کہ آخری سال اہم ہوتا ہے،جس کے نتائج کی بنیاد پر طلباء کا مستقبل منحصرکرتا ہے۔اس لیے اس میں بغیر امتحان کے نتائج کا اعلان نہیں کیا جاسکتا۔
