شاہ نواز شیخ نے کہا کہ میں نے سال 2015 میں بلدیاتی انتخابات میں جیت حاصل کی۔ احمدآباد کے جمال پور سیٹ پر کاونسلر منتخب ہوا۔ 'گزشتہ پانچ برس میں نے جو کام کیا ہے اس کی تفصیل آپ سبھی کے سامنے رکھ رہا ہوں۔
انھوں نے کہا کہ احمدآباد میونسپل کارپوریشن کی جانب سے جمال پور وارڈ کے لیے انھیں پانچ سال کا بجٹ 13080000 دیا گیا تھا. جس کی تفصیل بھی میں نے آن لائن رکھی ہے اوراسے شوشیل میڈیا پر بھی رکھا جائے گا۔
انہوں نے کہا کہ بجٹ میں ٹرانسپرنسی ہو اس کے لیے آج میں نے بجٹ کا مکمل حساب عوام کے سامنے رکھا۔ اور میں چاہتا ہوں کہ گجرات کی تمام سیاسی پارٹیز کے کاونسلر بھی اسی طرح اپنے بجٹ کا حساب عوام کے سامنے رکھیں۔انہوں نے آخر میں کہا کہ اگر آئندہ پانچ سالوں کے لیے مجھے دوبارہ بحیثیت کاونسلر منتخب کیا جاتا ہے تو میں سب سے پہلے منشیات سے نجات،جمال پور بنانے کی کوشش کروں گا۔'
