کورونا وبا کا مقابلہ کرنے کے لئے لوک سبھا سکریٹریٹ میں قائم کنٹرول روم متاثرین لوگوں کو راحت پہنچانے اور باز آبادکاری کے لئے ممبران پارلیمنٹ اور ممبران اسمبلی کی کوششوں کو مربوط کر رہا ہے۔
لوک سبھا اسپیکر اوم برلا کی پہل پر اس کنٹرول روم قائم کیا گیا ہے۔ اپنے قیام کے بعد 27 اپریل سے 31 مئی کے دوران کنٹرول روممیں ایک ہزار درخواست موصول ہوئی۔ اس دوران کنٹرول روم کی طرف سے تقریبا 11 ہزار افراد کی بازآباد کاری کی گئی یا انہیں دیگر مدد پہنچائی گئی۔
غور طلب ہے کہ 21 اپریل کو ریاستوں چیرمنیوں کے ساتھ ہوئی ویڈیو کانفرنس کے دوران مسٹر برلا کے کئے گئے فیصلے کے مطابق پارلیمنٹ کی عمارت کے لوک سبھا سیکرٹریٹ کی طرف سے یہ کنٹرول روم قائم کیا گیا تھا تاکہ کووڈ 19 کا مقابلہ کرنے میں ہنگامی مدد فراہم کرنے کے لئے پارلیمنٹ کے اراکین، اسمبلی ارکان اور عوام کے درمیان جلد رابطہ ہو سکے۔
