گزشتہ روز بھارتیہ جنتا پارٹی نے سادھوی پرگیہ سنگھ ٹھاکر کو بھوپال سے امیدواری دی ہے۔
اس معاملے میں سابق راجیہ سبھا رکن اور بالی وڈ کے گیت کار جاوید اختر نے ٹویٹ کر کے بی جے پی اور سادھوی پرگیہ پر طنز کیا ہے۔
جاوید اختر نے ٹویٹ کرتے ہوئے کہا کہ' بھوپال لوک سبھا نشست کے لیے بی جے پی کی پسند مثالی ہے کیوں کہ انہوں نے ایک ایسے امیدوار کو میدان میں اتار ہے جو سنگھ پریوار سوچ کی حامل ہے۔'
جاوید اختر کے اس ٹویٹ پر بالی وڈ فلمساز اشوک پنڈت نے جواب دیتے ہوئے لکھا کہ 'ایک کانگریسی رہنما جس کی بیوی کی موت مبینہ طور پر ہوئی اور اس کی موت کی تفتیش کو کانگریس نے روکنے کی کوشش کی اور جو آج ضمانت پر رہا ہے وہ ششی تھرور بھی انتخابی میدان میں ہے جبکہ سکھ فسادات کے لیے مشہور کمل ناتھ آج مدھیہ پردیش کے وزیراعلی ہیں۔'
ان دونوں میں ٹویٹر پر جنگ چھڑ گئی اور دونوں ایک دوسرے کا جواب دیتے رہے۔
جاوید اختر نے اشوک پنڈت کو مخاطب کرتے ہوئے لکھا کہ مجھے حیرت ہو رہی ہے کہ آپ کو سادھوی پرگیہ سنگھ کوئی مسئلہ نہیں ہے۔
