انڈین کونسل فار میڈیکل ریسرچ (آئی سی ایم آر) کے ذریعہ اتوار کو جاری اعداد و شمار کے مطابق اس دوران ملک میں کووڈ-19 کی جانچ کرنے والی لیب کی تعداد بڑھکر 1,100 ہوگئی ہے۔
ان سبھی لیب میں پچھلے 24 گھنٹے میں 2,48,934 نمونوں کی جانچ کی گئی،جس سے اب تک جانچ کئے گئے کُل نمونوں کی تعداد بڑھکر 97,89,066 ہوگئی ہے۔
واضح رہے بھارت میں اب بھی کورونا وائرس کے کیسز مسلسل بڑھتے ہی جارہے ہیں۔ جبکہ چار ریاستوں میں کورونا وائرس تقریبا 70 فیصد ہے۔ ان میں دہلی، گجرات، تمل ناڈو اور مہاراشٹر ریاست شامل ہیں۔
وہیں مہاراشٹر اور تمل ناڈو میں 31 جولائی تک ریاستی حکومت نے لاک ڈاؤن کے نفاذ کا پھر اعلان کیا ہے۔ لیکن ضروری اشیا کی کچھ شرائط کے ساتھ اجازت بھی دی گئی ہے۔
