صدر نشین تلنگانہ اسٹیٹ حج کمیٹی مسیح اللہ خان کے مطابق حجاج کرام کو سفر کیلئے ایئرپورٹ پر مقررہ وقت سے کئی گھنٹے مزید انتظار کرنا پڑا اس دوران ان کی سہولیات کا خیال نہیں رکھا گیا جس سے حجاج کو سخت دشواریوں کا سامنا کرنا پڑا۔
انہوں نےمزید بتایا کہ تلنگانہ کے حجاج کرام کے لیے اسٹیٹ حج کمیٹی نے بہترین انتظامات کو یقینی بنایا اور ان کی تمام سہولیات مہیا کروانے کی کوشش کی۔ مسیح اللہ خان نے بتایا کہ دوران حج بعض حجاج کرام کی جانب سے شکایات موصول ہوئی ہیں جن کو درج کیا گیا اس طرح کے واقعات کا آئندہ اعادہ نہ ہو اس کیلئے اقدامات کئے جائیں گے۔
ایگزیکٹیو آفیسر حج کمیٹی شفیع اللہ نے خادم الحجاج کے متعلق شکایات وصول ہونے پر کیے گئے سوال کا جواب دیتے ہوئے کہا کہ اس سلسلے میں متاثرہ حجاج سے خادم الحجاج کے متعلق تفصیلات حاصل کرنے کے بعد خادم الحجاج کے خلاف کاروائی کی جائے گی۔
اس طرح کے واقعات پر قابو پانے کیلئے آئندہ حج سیزن سے ایک اعلی سطح کے عہدیدار کو نگران کار کے طور پر روانہ کیا جائےگا تاکہ وہ بر وقت حجاج کے مسائل کو حل کر سکے۔
