آندھراپردیش کی اصل اپوزیشن تلگودیشم کے ارکان پارلیمان نے آج قومی دارالحکومت نئی دہلی میں صدر جمہوریہ رام ناتھ کووند سے ملاقات کی۔
اس وفد نے ان سے شکایت کرتے ہوئے کہا کہ وائی ایس جگن موہن ریڈی کی زیرقیادت وائی ایس آرکانگریس کے 13ماہ کے دور حکومت کے دوران تلگودیشم رہنماوں پر حملوں کے واقعات میں اضافہ ہوا ہے۔
حکمران جماعت مخاصمت کی کارروائی کر رہی ہے۔ بعد ازاں ان رہنماوں نے مرکزی وزیر دیہی ترقی نریندر سنگھ تومر سے بھی ملاقات کی اور منریگا اسکیم کے بلز کے مسئلہ پر شکایت کی۔
صدر جمہوریہ سے ملاقات کرنے والے وفد میں جی جئے دیو،رام موہن نائیڈ، کیشو نانی، رویندر کمار اور دوسرے رہنما شامل تھے۔
یہ بھی پڑھیں:عثمانیہ اسپتال میں بارش کا پانی جمع ہونے سے مریض پریشان
