انتخابی کاموں میں غفلت برتنے پر ٹیچر کو معطل کردیا گیا

راجستھان میں جس ٹیچر کو معطل کیا گیا ہے، ان پر الزام ہے کہ وہ تربیتی کیمپ میں شامل نہیں ہوئے تھے۔ اس لیے انہیں راجستھان پنچایتی راج قانون 1994 کے تحت معطل کردیا گیا۔

راجستھان کے باڑمیر ضلع میں پنچایتی راج انتخابات کے دوران انتخابی کاموں میں لاپروائی کرنے پر انتخابی افسر وشرام مینا نے ایک ٹیچر کو معطل کردیا ہے۔

ضلع انتخابی افسر وشرام مینا نے آج بتایا ہے کہ سرکاری مڈل اسکول کالےرانو کی بیری، پنچایت سمیتی باڑمیڑ میں تعینات ٹیچر تلارام کوپنچایتی راج انتخابات کے دوران ووٹنگ افسر مقرر کرکے آخری تربیت کے لئے سرکاری کالج میں دو اکتوبر کوحاضر ہونے کا حکم دیا گیا تھا۔

وہ دو اکتوبر کو موجودگی درج کرواکر لوٹ گیا۔انہوں نے بتایا کہ تربیتی کیمپ میں شامل نہیں ہونے پر اسے راجستھان پنچایتی راج قانون 1994 کے تحت معطل کردیا گیا۔