کل ہند مجلس تعمیرملت کی جانب سے شہر حیدرآباد کے علاوہ ملک کے مختلف علاقوں میں فوڈپیکٹز تقسیم کیے جارہے ہیں۔
لاک ڈاون کے دوسرے دن سے ہی غریب اور مستحق خاندانوں میں اجناس کی تقسیم عمل میں لائی جارہی ہے۔ معتمد عمومی کل ہند مجلس تعمیرملت ڈاکٹر یوسف حامدی نے بتایا کہ اچانک لاک ڈاون کی وجہ سے لوگ کافی پریشان اور فاقوں سے دوچار ہوگئے تھے۔ تعمیرملت کی جانب سے شہر کے مختلف محلہ جات جہاں غریب اور مستحق خاندانوں کے لوگ رہتے ہیں ان میں اجناس کی تقسیم اور اسپتالوں میں پھلوں کی تقسیم عمل میں لائی گئی۔ انہوں نے کہا کہ مقامی مجلس تعمیرملت جانکی نگر کی جانب سے مسلسل یہ کام جاری ہے جو حیدرآباد کے حکیم پیٹ، معراج کالونی،پھسل بنڈہ کے علاوہ جہاں جہاں بھی اشیائے ضرویہ کی ضرورت پڑ رہی ہے وہاں تنظیم کے کارکن جاکر کام انجام دے رہے ہیں۔ اس طرح وجے نگر کالونی، چوڑی بازار،جمعرات بازار، حسن نگر، مولاعلی،، علی نگر،عیدی بازار،جنگم میٹ،مشیرآباد،بوئن پلی،مصری گنج، شاہین نگر، اویسی پورہ، کتہ پیٹ اوردیگر علاقوں کے علاوہ مہارشٹرا میں اورنگ آباد، بیڑ،عثما ن آباد، کرناٹک کے گلبرگہ،رائچور، آسام میں بھی تعمیرملت کی جانب سے یہ رفاعی کام زور وشور سے انجام دیئے جارہے ہیں۔
