تلنگانہ کا سوریہ پیٹ ٹاون غم کی تصویر بن گیا ہے اور یہاں کے رہنے والے مجسم غم لگ رہا ہے۔
تلنگانہ کے سوریہ پیٹ سے تعلق رکھنے والے کرنل سنتوش کمار نے ملک کی خدمت کرتے ہوئے جان نچھاور کردی ہے۔
اس کے بعد ہی سے یہاں رہنے والے تمام افراد کو فخر ہے۔ وہ ہند۔ چین سرحد پر ہوئی جھڑپ میں ہلاک ہوگئے۔
مقامی افراد، ان کے دوست اور جان پہچان کے لوگ ان کے مکان پر دیکھے گئے جنہوں نے ان کی خدمات کو خراج پیش کرتے ہوئے ان کی حمایت میں نعرے بازی کی۔
کئی افراد جذبات سے بے قابو ہوگئے،ان کی آنکھوں میں آنسو روا تھے۔ کئی افراد ا ن کے احترام میں ان کے مکان کے سامنے خاموش کھڑے تھے اور ان کو یاد کررہے تھے۔
اطلاعات کے مطابق سنتوش کا تبادلہ آئندہ ستمبر میں حیدرآباد کی آرمی یونٹ میں ہونے والا تھا۔
