سماجی تنظیم کی جانب سے جی بی ہسپتال میں مفت ماسک تقسیم

ملک میں کورونا وائرس کے مریضوں کی اطلاعات سامنے آتے ہی منافع خوروں نے جہاں مختلف شہروں و علاقوں میں سرجیکل ماسک مارکیٹوں و میڈیکل اسٹورز سے غائب کرکے مہنگے داموں ان کی فروخت شروع کردی ہے تو وہیں درد مند دل رکھنے والے انسان دوست شہریوں نے لوگوں میں مفت ماسک تقسیم کرکے یہ پیغام دیا ہے کہ انسانیت ابھی زندہ ہے۔

اس ضمن میں سمن سدبھاونا سوسائٹی کے روح رواں پنڈت نشی کانت شرما نے جی بی پنت اسپتال کا دورہ کر کے ڈاکٹر، میڈیکل اسٹاف اور گارڈ میں مفت ماسک تقسیم کیے۔ وہ بذات خود آنے جانے والوں کو ماسک دیتے رہے ہیں۔

کے-این-95 ماسک

دہلی حکومت نے جی بی پنت اسپتال کو کوورنا وائرس کے علاج کے لئے منتخب کیا ہے۔ جہاں تقریباً ایک ہزار کے-این 95 ماسک ڈاکٹروں اور نرسوں کے لیے انتہائی ضروری ہے۔

اس ضمن میں پنڈت نشی کانت نے کہا کہ یہ وقت جائز یا ناجائز منافع خوری کا نہیں ہے۔ ان کا کہنا تھا کہ وہ خدمت خلق کے جذبے کے ساتھ لوگوں میں مفت ماسک تقسیم کررہے ہیں ۔انہوں نے لوگوں سے سوشل ڈسٹینسنگ اور دیگر تدابیر پر عمل کرنے کی بھی تلقین کی۔